طريقه عمل المحوجه

المقادير:


1/2 كيلو دقيق
5 ملاعق كبيرة حوايج المحوجة
3/4 كوب سكر بودرة
1/4 كوب عسل اسود
3/4 معلقة صغيرة كربوناتو
معلقة كبيرة سمسم غير محمص
1/2 كوب سمن بلدى
1/2 كوب زيت زرة


الطريقه التحضير


نجيب الدقيق ونحط عليه السكر والعسل والكربوناتو والحوايج فى صينية الومونيوم ونعمل حفرة فى وسط الدقيق

ونحط معلقة السمسم نقدح السمن والزيت كويس اوى على النار

ونصبها على طول على السمسم علشان يتحمص بعد كده نجيب معلقة

 ونقلب الدقيق والسمن ولما يدفا شوية نبدا نبث العجينة زى الكحك بالضبط بين ايدينا ربع ساعة علشان تشرب السمنة كويس بعد كده

نجيب صينية وندهنها سمن ونفرد العجينة بسمك 1 سم كويس نضغط بايدنا كويس ونساويها المقدار اللى احنا عملينه ده يعمل صينيتين كبار وبعدين نقطعها بالسكينة مثلثات ونسيبها ترتاح ساعة

الطبخ: نولع الفرن على درجة 160 ونسيبه يسخن ربع ساعة وبعدين نحطها على الرف الاوسط هى بتاخد حوالى ساعة الا ربع