طريقه عمل البقلاوه

المقادير

الشربات
كوب ماء
2 كوب سكر
عصير نص ليمون


طريقه التحضير


ذوبى السكر مع الماء على النار قبل ان يغلى علشان ما يسكرش منك وقبل ان تضعى الليمون لانه مش حيخلى السكر يذوب كويس
اضيفى الليمون وسيبيه يغلى على النار بس 10 دقائق



المقادير للبقلاوه


باكو جلاش
سمنه
مكسرات مجروشه ومحمصه


الطريقه التحضير


فى الاول قصى الجلاش على حجم الصينيه يعنى افرديه وضعى الصينيه فوقه وقصيه على نفس حجمها

ادهنى الصينيه كويس جدا

افردى ورقتين من الجلاش ثم ادهنى بالفرشاه سمنه فوقهم وهكذا كل ورقتين عليهم سمنه بالفرشاه حتى نصف الكميه

ضعى المكسرات ثم كملى الجلاش بنفس الطريقه

ادهنى الوجه بالفرشاه كويس واتوصي بجوانب الجلاش وحرف الصينيه

قطعيه سمبوسكات ثم دخليه فرن متوسط الى ساخن حتى يحمر الوجه بياخد حوالى ساعه

طلعيه وصبي عليه الشربات على طول مع ملاحظه ان الشربات يجب ان يكون فى نفس حراره الغرفه

—