طريقة عمل شوربة الكوارع

المقادير


2/1 1 كيلو كوارع نظيفة ومقطعة حلقات
4 حبة بصل متوسطة
فلفل أسود
ملح
10 فصوص حبهان
5 حبات قرنفل
2 عود قرفة
عصير ليمون
ورق لورا
دقيق للتنظيف


طريقة التحضير


1- الأول نغسل الكوارع كويس بالماء عدة مرات ، وأنا بأغسلها بمية ثم دقيق ثم مية تانى .

2-على النار نضع حلة الضغط البرستو وأضع بها مقدار كافي من الماء ، ومن الممكن استخدام الحلة العادية لكنها ستأخذ وقت أطول في الطبخ .

3- البصل أشقه بالسكين من النصف لكن لا يقطع بالكامل وأضعه في الماء وبحب أكثر من البصل علشان يعطي طعم للشوربة دي + الفلفل الأسود + القرنفل + الحبهان + عود القرفة .

4- عندما يغلي الماء نضع الكوارع ونغلق الحلة ، بالنسبة للطبخ في البرستو بياخد ساعتين ، ياااه ساعتين بحالهم ؟! ولو في حلة عادية حيأخذ مدة أطول . طيب ليه كده ؟ علشان دي كوارع مش لحمة وجمال الكوارع إنها عند الأكل تلاقيها طرية ومابتشدش .
بعد نضج الكوارع نصفي الشوربة في مصفاة ، ونغرفها في أطباق ونضع في كل طبق عدد من قطع الكوارع ، ونتبل الشوربة بالملح والفلفل الأسود مع عصير الليمون .

سر عظيم :
 نعمل شوية تقلية زى بتاعت الملوخية بالثوم و نحطها على الشوربة فى الاخر خالص