طريقه عمل ساليزون سريع

المقادير:

ا كوب دقيق
1 كوب ماء
3 بيضات كبار "بيض ابيض او احمر مش بلدي"
رشه ملح
2 كيس فانيليا
2 معلقه زبده صفره " بدرجه حراره الغرفه"
1 معلقه زيت ذره

الطريقه التحضير :

1- نجيب حله و نحط فيها الميه و الزبده و معلقه الزيت و رشه الملح .... نسيب الميه علي النار تسخن قوي و قبل ما تغلي نطفي عليها
2- نروح حاطين كبايه الدقيق علي الميه و نقلب بسرعه و كويس قوي و نفضل نقلبها بالمعلقه الخشب لحد ما تبقي كوره واحده و بعدين نسيب العجينه تبرد
3- نجيب البيض و نحط عليه الفانيليا و نضربه كويس بالشوكه
4- نحط البيض حبه حبه علي العجينه
يعني علي 3 مرات نحط حبه و لما العجينه تشربه نحط الحبه اللي بعجهم
5- نجيب كيس حلواني و نحط فيه العجينه و نشكله علي صاج مدهون بالزيت
و نحطه في لفرن حوالي ربع ساعه و يكون الفرن سخن من حوالي 10 دقايق علي درجه حراراه متوسطه
و لما يستوي هتلاقيه حجمه بقي الضعف و فيه فجوه من جوا
نسيبه يبرد خالص و علي ما يبرد نجهز الحشو

الحشو:

علبه جبنه كوبايات و دي هاتبقي زي الكريمه
سوسيس مسلوق و مقطع حلقات
زيتون اسود حلقات
جبنه رومي مكعبات

طريقه  التحضير  الحشو :

نقتح جنب واحد من الساليزونه و نحط جواها الجبنه الكبايات و بعين زتونه و سوسيسه