طريقه عمل صنية رز بالباشميل

المقادير

 رز ابيض مستوى
كبد وقوانص
 بصلة -فلفلة خضراء- نصف ليمونة
ملح وفلفل اسود
نصف كوباية دقيق
 كوب لبن
 معلقتين سمن بلدى للبشاميل

طريقه التخضير :

1-نقطع الكبد والقوانص قطع صغيرة
2-وابشر البصلة واقطع عليها الفلفة الخضرا واضيفهم للكبد والقوانص
3-واتبلهم بالملح والفلفل الاسود واعصر عليهم الليمونة واقلبهم فى بعض كويس
4-واحطهم على النار ومعاهم معلقة سمنة بلدى وتقليبة وغطى وخليه يستوى على الهادى هاتنزل مايتها وهتستوى فيها
5- بعد السوا نعمل الباشميل نحضر الحلة ونضع فيها معلقين السمنة البلدى وعلى النار
6- ننخل الدقيق ونضيفه للسمنة ونقلب لحد مايتشربها ويصفر لونه
7- ونضيف اللبن الدافى على الدقيق ونقلب بسرعة ونوطى النار عشان متكلكعش مننا
8- ونظبط ملحها
9-كدة باقت جاهزة الباشميل نسبها تبرد وناخد معلقتين باشميل
ونقلبهم على جزء الرزاللى هنفرده فى الصنية
10-وبعدين نفرد الكبد والقوانص عليهم
11-ونغطيهم بباقى الرز
12-اجيب بيضة واضربها على باقى الباشميل اللى هنغطى بيه الصنية
13-ونفرد الباشميل على الصنية وندخلها الفرن
14-تدخل الفرن لحد وشها مايحمر حوالى ربع ساعة وتخرج