طريقه عمل الخبز الإيطالى

المقادير خلطة التخمير

1/2 كوب دقيق
1/2 ماء بارد او لبن
ملعقة صغيرة خميرة فورية

المقادير العجينــــة

4 بيضات
1/2 كوب زبدة
2 1/2 كوب دقيق
كوب سكر
معلقه صغيرة خميرة
1\2معلقه بيكينج بودر
2فانيليا
بشر قشر ليمونتين او برتقال
1 1/2 كوب فواكه مجففة مقطعة



الطريقـــــة التحضير


اخلطى الدقيق و الماء و الخميرة و اعجنى كويس سيبى العجينة دى فى بولة مدهونة و غطيها عشان تخمر لغاية ماتتضاعف فى الحجم

العجينة

اخلطى الزبدة والسكر حتى تكون خليط هش وكريمي ضيفى البيض والفانيليا وبش الليمون او البرتقال ويضرب جيدا حتى يتجانس اضيفى ليها خلطة الخميرة السابقه ويقلب ثم الدقيق وقلبى لكن بدون الفاكهة المجففة ولاحظى انه لو عندك العجان اسهل من عجنها لأنها عجينة صعبة وتقيله وضيفى الفواكه معها 

اعجنى كويس ولا تنزعجى اذا التصقت العجينة بجدار البولة فالعجينة كما قلت ثقيلة قليلا خلى العجينة ترتاح فى بولة مدهونة لمدة ساعة او2 حتى تتضاعف حجمها

وشليها بالراحة و حطيها فى صينية حوافها عاليه مدهونة او داخلها ورق زبدة ويكون حوافه اعلى من الصينيه لارتفاع الكيك  غطيها و سبيها ساعتين حتى ترتفع مرة اخري

اخبزى البناتونى فى فرن سابق التسخين 45 دقيقه بعد 25 دقيقة من بداية الخبيز غطيها بورق زبدة لغاية نهاية الخبيز حتى لايتحرق سطح الكيك

لو القالب بتاعك صغير و قطره صغير حاتحتجى تقسمى الكمية بتاعة العجينة على مرتين و مده خبز اقل شويةاستعملى اختبار السكينة عشان تعرفى العجينة استوت ولا لأ

طلعى البناتونى من الفرن و ادهنيه بالزبدة السايحة و هو لسه سخن رشى عليه سكر بودرة قبل التقديم مباشرة حسب الرغبة