طريقة عمل فراخ تكا

المقادير:

عدد 2 فرخه
فصوص توم معلقة جنزبيل بودرة
ملح - فلفل اسمر
ربع معلقة سكر
معلقة ونصف كارى
معلقة ونصف كركم
معلقة زعتر
معلقتين كبار صلصة
كاتشب
نصف ليمونه مع معلقة كبيرة خل
 زيت زيتون
لبن رايب (500 ملل)
وممكن بداله الرايب زبادى متقلب كويس

طريقة التحضير:

1- هنتبل الفراخ اقل حاجة اربع ساعات ويفضل تركها فى التتبيلة ليلة كامله
2-هنجيب الفراخ و ممكن نشيل الجلد لو مش عايزاه ,ونشقها بالسكينة كذا شق
3-ونتبلها بالمكونات ونغلفها ونتركها فى التلاجة نيجى بقى للتسوية على شبكة الفرن
4-وممكن تغليفى كل فرع من الشبكة بالفويل عشان مايتبهدلش ,و تحطى الفراخ على الشبكة
5-ملحوظة الفرن لازم يبقى سخن نيجى بقى للصنية بتاعة الفرن نحطها تحت الشبكة ونولع فيها فحمه وندخنها بالزيت او السمنه ولما تتطفى الفحمة نولع غيرها
  6-فى الصينية دى وضعت باقية التتبيلة ومياه وكل ما المياه تقل ازود مياه عشان البخار بتاع المياه مع التتبيلة يسوى الفراخ اسرع وكمان ماتنشفش
7- وكمان كل ربع ساعة اقلب الفراخ من ناحية للتانية وبعد لما الفراخ استوت رحت وضعت فحم جنبها وغطيتها بس يديها طعم الدخنة الحلوه
8-ممكن تاخدى الفراخ لما تستوى فى صنية وتحطى الفحمة وتقفلى عليها كويس عشان كل طعم الفحم يدخل فيها