طريقة عمل سمك بلطى مقلى

المقادير:

  5 كليو سمك البلطى  ع حسب عدد افراد الاسره
ليمون
كمون
 ملح و فلفل و شطه
 توم
و فلفل اخضر

طريقة التحضير:

1- تجيبى السمك البلطى بتنضفيه عادى وتنضفى بطنه كويس تجيبى مقص من جنب السلسله اللى جوه البطن تشقيها بالمقص علشان السمكه تبقى مفروده قدامك زى قطعة البفتيك
2-تتبليها عااادى ليمون كمون ملح فلفل شطه توم فلفل اخضر مطحون
3-تجيبى شوية دقيق تحطيهم على كيس سبايسى عارفاه اللى ف علبه كرتون احمر بتاع الفراخ المقليه والعلبه فيهاكيسين
او فيجيتااار بس سبايسى احلى حاار واحمر وجميل
4- تفلبى الدقيق مع السبايسى وقبل القلى تحطى السمك فيهم من الجهتين وتقليهم ف زيت القلى
5-تجيبى طبق غويط فيه مايه تغطسى السمكه بحالها
تطلعيها بسرعه وتوديها تتقلى على طول علشان تقرمش والزيت يبقى نضيف
6-وما تخافيش لا التتبيله هتقع ولا المايه هتطرطش الزيت بس ما تعليش النار اوى علشان السمك مايبقاش طرى