المقادير:
كوسة زى ما تحبى نقول نصف كيلو
ربع كيلو لحمة
بصلتين مفرومتين للعصاج
طماطم معصورة
2فص توم
ملح
فلفل
كسبرة ناشفة
سنة قرفة
كبابة صينى
لصلصة الطماطم بصلة
طماطم معصورة
فصين توم
بهارات
ملعقة سمنة
طريقة التحضير
1-نعمل العصاج نفرم البصلة واحطة فى الطاسة
معاة التوم من غير سمنة ولازيت اقلب تقلبتين ثم انزل باللحمة المفرومة
2-واقلب واحط التوابل فقط واهدى النار شوية لحد المية ما تنشف 3-ثم انزل بشوية عصير طماطم و مية والملح واسيبة يستوى فى الوقت دة اقور الكوسة بعد ما اغسلهاوارش شويةملح فيها علشان تبقى مالحة
4-اعمل بعد كدة الصلصة اصفر بصلة مع التوم ثم انزل بالطماطم والملح
5-وسنة سكر والتوابل واسيبها تتسبك بمعلقة سمنة واحدة
العصاج استوى اجيب الكوسة واحشيها
6-وارصها فى طاجن او صنيةوالقلب اللى طلع منها حطيتة من تحت بعد ما رصيت الكوسة المحشية
7-اصب عليها الصلصة ممكن نزود كبشة صغيرة شوربة
احطها على النار غلوتين وبعد كدة على الفرن تستوى وتاخد وش
تعليقات