طريقه عمل الجبنة الكوبيات

المقادير :-


- نص كيلو لبن عادى او رايب ولو عيزاها لايت اللبن يكون خالى الدسم
- ربع كوب خل
- ملعقة صغيه ملح
- 2 ملعقة زيت زيتون
- فلفل ابيض علشان اللون
- النكهة اللى تعجبك ممكن قرن فلفل اخضر او زتونتين

الطريقة التحضير  :-

- هنحط الخل ع اللبن علشان يقطع وهو ع النار ونسيبه دقيقة واحده وننزله ونسيبه يبرد

- نجيب قطعه قماشه قطن او شاش

- ونفردها ع طبق

- ونصب فيه اللبن اللى راب وممكن نستخدم لبن رايب ومنعملش الخطوة دى

- ونربطها ونسبها تصفى 10 دقايق

- لحد ما تخلص ميتها خالص

- وناخد ربع كوب شرش اللى فاضل من اللبن

- وع الخلاط او البروسيسور ونحط الملح والفلفل الابيض وانا حطيت قرن فلفل اخضر ودى المرحلة اللى بنغير فيها الطعم براحتنا

- والزيت ونضربهم لحد ما يتجانسوا

- ونحط الجبنة عليهم

- ولو احتاجوا ملعقتين شرش كمان حطى بس الاول سيبيه يتجانس لحد ما تبقى ناعمة

- وحطتهم ف برطمنات والف هنا